Dogo Janja kufukuzwa Tip Top ni kumsaidia, kumrekebisha ama kumpoteza?

Dogo Janja kufukuzwa Tip Top ni kumsaidia, kumrekebisha ama kumpoteza?

So kwa mujibu wa Teentz.com Dogo Janja amepigwa chini na TipTop! Kwetu sisi halijatushangaza sana sababu tulijua ipo siku kama hii itafika. Ni rahisi mno kujua tabia yake kutokana na kile anachokisema kwenye nyimbo zake. Ni dogo fulani ukisikiliza mashairi yake utagundua tu kuwa ana usela usioendana na umri wake.

Inasikitisha kwamba TipTop walimtoa Arusha na kumleta Dar ili wamtoe kimuziki huku akiendelea na masomo yake kwa ridhaa ya wazazi wake, lakini kufika huku na kufanya track mbili tatu dogo akajiona tayari ameshakuwa supastaa!

Kiongozi wa kundi hilo Hamad Ally ‘Madii’ amesema kuwa Dogo Janja ameshindwa kuendana na makubaliano halisi yaliyokuwepo baina yake na uongozi wa kundi hilo ikiwemo kuhudhuria shuleni kama alivyokuwa akitakiwa kufanya kila siku badala yake amekuwa akiendekeza starehe na wakati mwingine kufanya mambo ambayo kwa namna moja ama nyingine yalikuwa yanalichafua kundi hilo.(Teentz)

Uongozi wa Tip Top Connection unalijua game la Bongo na ndo maana walimsisitiza kijana aishike elimu kwakuwa kuna  leo na kesho. Kwa umri wake mdogo kile kitendo cha kusikia ngoma zake zinapigwa redioni, kitaa wanamkubali, madem wanashoboka, waandishi wa habari wanampigia simu na kuomba appointment naye ya interview, kijana akajiona Bow Wow!

“Katika hatua nyingine Madii amesema kuwa Dogo Janja alilewa sifa na kujisahau kufanya yale anayotakiwa kufanya ndani nanje ya kundi kufuatia mafanikio ya muziki aliyoyapata akiwa na Tip Top Connection kwani hivi karibuni alitega shule na kwenda kujificha nyumbani kwa TundaMan huku akimuaga Madii kuwa anakwenda shule.”

Mtandao huo umeendelea kuandika, “kuona hivyo TundaMan aliamaua kumuarifu Madii na mara moja kiongozi huyo wa kundi aliamua kwenda kumsaka, lakini baada ya dogo Janja kugundua kuwa Madii anakuja aliamua kukimbia na kwenda kujificha uchochoroni lakini akiwa huko mafichoni bahati mabaya alikanyaga kuku na siri yake kujulikana kuwa amejificha hapao ndipo alipokamatwa na kuamriwa kufungasha kilicho chake tayari kurejea ‘kileji’!!

Dogo Janja angejua jinsi kaka zake (baadhi ya wanamuziki wa Bongo Fleva) waliocheza na kuidharau elimu na sasa wanajuta, asingeichezea bahati hii. Tip Top walimpa fursa ya muhimu iliyomfanya hadi rais Jakaya Kikwete amwalike kwenye Ikulu yake. Kama unakumbuka rais alimshauri kijana asome kwa bidii na sio kutegemea tu muziki. Kumbe maneno hayo kutoka kwa mtu mwenye cheo kikubwa zaidi nchini yalikuwa yanapita sikio la kulia na kutokea kushoto.

 “Chezea madii ww! Safi sana kiongoz kumrudisha ngarenaro akafanye usela nnya wake,DOGO PIMBI! Aliandika Donald Mkulia.

Hata hivyo wengi wameuchukulia uamuzi huo kama si wa kujenga zaidi ya kubomoa kama asemavyo huyu, “Maybe hili la kumtumia kwa maslahi yao binafsi lina mantiki, yule si mtoto ambaye unaweza kusema harekebishiki, bado ni mdogo na anarekebishika, hakuna ambaye hajaipitia hiyo hatua, fm 2 inaeleweka ni muda wa foolish age mtoto kama yeye atapenda ajaribu kila kitu anachokiona. Wewe kama mzazi wajibu wako ulikuwa ni kumkanya na kumsisitizia kusoma lakini si kumfukuza. Je wazazi wawafukuze watoto zao wanapotega shule? sio solution. Au kwa kuwa si damu yako, nahisi angekuwa damu yako usingemfukuza, usingekubali kushindwa but it's not ur blood.”(Hameesha Ali)

“Safi sana rais wa tiptop kwakusimamia maadili ya vijana but dawa ya jino sikung'oa nikutibu na pia dawa ya deni nikulipa nasi kulikimbia hivyo mlipaswa kumdispline for any kind of punishment but kumfukuza nikukimbia deniI,” aliandika mpenzi mmoja wa muziki,” alisema Mbaruku Mhina.

Lakini ndo hivyo tayari uamuzi umechukuliwa arudi nyumbani ili kama ni usela  akaufanyie huko huko Arusha kama wengine wanavyosema, “welcome Arachuger dogo uje tukupeleke chimbo ukaive baadaye urudi bongo kukinukisha mwenyewe Madii kitu gani bhana? Kwanza hapendi Hip hop, shule kama hupendi kuna chuo cha kitaa.”

Kama Tip Top wasingefanya hivyo basi ipo siku wangekuja kulaumiwa na wazazi wake kwakuwa walipewa ruhusa ya kumpeleka Dar wakijua atakuwa chini ya usimamizi mzuri.

Na pia kwa haraka haraka hatudhani kama hawakuwahi kutoa taarifa hizi kwa wazazi wake. Huenda wazazi wameongea mpaka wamechoka lakini hakujirekebisha na kuwaomba Tip Top wamrudishe tu kwao na ndo maana kaka yake alikuwepo Stendi ya Ubungo kurudi naye Arusha.

Ashukuru Mungu kuwa jina lake linajulikana tayari japo tayari watu wameshamuona mhuni, asiyependa shule na mjinga.

Unauchukuliaje uamuzi huo wa Tip Tip?